اذهب الي المحتوي
Mostafa Ahmed

شرح قوائم Microsoft Word 2010 ادوات قائمة إدراج

المشاركات الموصى بها

Mostafa Ahmed

بسم الله الرحمن الرحيم

تحيه للجميع وإن شاء الله في خير دائماً

 

في دروس سابقه قمنا بشرح الشاشه الرئيسيه لبرنامج الورد

ثم اتبعناها بشرح ادوات القائمه الرئيسيه

ولمتابعة الدروس بالتفصيل من الروابط اسفل

 

اليوم بإذن الله معنا شرح لقائمة ادراج

وأهم الأدوات في القائمه

ياريت الجميع يصحصح معايه

 

نبدء علي بركة الله

 

صورة

 

الصوره الي قدمنا دي يا شباب هي دي قائمة ادراج

طبعاً زي ما قدمكم الأدوات الي بالقائمه الي هنشرحها بالتفصيل إن شاء الله

الأول قبل ما ندخل في شرح الأدوات عيزين نعرف يعني ايه ادراج

بص ياحج معايه ادراج او بالانجليزي

لو دخلنا في المعني من المعجم هنتوه كتير وهيبعدنا عن المعني المقصود

ادراج في الورد جايه بمعني (( ادخال ))

يعني ايه ادخال

صبرك عليه ياحج

ادخال في الورد يعني ادخال إضافات للنص او الصفحه او العمل اللذي نقوم علي انشائه

كإدخال صوره او ملف صوتي او رمز ... إلخ

برضو ما فهمتش

هوضحهالك ياحج اكتر من خلال الشرح

تابع معايه اول أدوات الادراج

 

صورة

 

بص ياكبير دي اول ادوات معانا في الشرح

وهي بالترتيب التالي من اعلي لأسفل كما في الصوره

 

إدراج صفحة غلاف

.. بمعني انت الأن تقوم بكتابة او بتأليف كتاب وطبيعي الكتاب محتاج غلاف تعمله

بتدخل علي قائمة ادراج ثم قم بالتأشير علي صفحة غلاف فارغه

إختر من القائمه الغلاف الذس سناسبك

سيتم إدراج الغلاف اللذي اخترته اول صفحه في ملف الورد

 

نيجي للأداه الي بعد كده

وهي إدراج صفحه فارغه

بص يامعلم انت الأن تقوم بكتابة ملف ومش عايز تكتب صفحه من الصفحات كامله

وعايز تبدء من الصفحه الي بعدها هتعمل ايه

ده دور الأداه دي بمجرد النقر عليها بيتم ادراج صفحه فارغه في ملفك تقوم بالكتابه بها

 

طيب ايه فاصل صفحات دي

صبرك عليه

دي ياسيدي الأداه الثالثه الي معنا اليوم

وهي ادراج فاصل بين الصفحات

بص يامعلم انت الأن قمت بكتابة صفحه كامله وعايز تقسم الصفحه علي صفحتين

هتعمل كالأتي تقف عند اول الفقره الي عايز تنقلها لصفحه تانيه وتضغط علي اداة فاصل صفحات

هينقلك الفقره حتي اخر الصفحه لصفحه جديده وبكده يكون عندك صفحتين

 

شوفت الموضوع سهل ازاي

ندخل بقي علي باقي الأدوات عشان ما تزهقوش مني

صورة

 

دا ايه بقي الشبكه دي

دي سيدي مش شبكه دي اداة ادراج جدول

يعني لو عايز تعمل جدول داخل ملف الورد الي بتكتبه

صورة

 

بتقوم بتحديد عدد الصفوف والأعمده حسب ما يناسب العمل الي بتقوم به

معني عايز جدول من ثلاث صفوف واربع أعمده

اقف علي المربع الثالث لأسفل والمربع الرابع لليسار

هيبقي عندي جدول 3×4

 

ننتقل لأدوات الي بعدها

أدوات الرسومات

صورة

 

بص ياحج دي ادوات خاصه بإدراج صوره او رسومات توضيحيه

يعني والنفترض انك بتقوم بكتابة بحث علمي وعايز تضيف للبحث بعض صور لعينات

او لتحليل قمت بعملها وتصويرها ده هيكون وقت ادوات الادراج

هتقوم بإدراج صوره وتحدد مكان الصوره الي قمت بتصويرها وعايز تضيفها للبحث بتاعك

هيتم إدراج الصوره في بحثك ليكون بحثك كامل مدعوم بالصور

 

اما القصاصات الفنيه دي مجموعه من الصوره والأشكال المضافه مع حزمة الأوفيس

يمكن ان تناسب ما تكتبه لإدراجها مع ما تكتب

 

اما اداة الأشكال

فدي ياعم الحج تناسب أكتر طلبة الهندسه والمهندسين بالأخص

يمكن من خلالها ادراج شكل من الأشكال الهندسيه دائره - مربع - مستطيل ... إلخ

 

اما Smart Art

دي يا سيدي رسومات ذكيه بعض الشيئ

بمعني بيتم إدراج أشكال توضيحيه

كـ مصفوفه او دوائر او هيكل

يُستخدم لإظهار بيانات متتالية أو مجمعة  يعمل بشكل أفضل مع النصوص

هوريهالك عملي عشان الشرح النظري عمره ما يكون مفيد اكثر من العملي

 

صورة

 

تختار من القائمه الشكل الي حابب انك تضيفه

شكل قمت بإختياره

وهو شكل هيكلي يحدد المدير  والمشرفين والاعضاء

 

صورة

 

اما الأداه الي بعدها

فهي خاصه بعمل مخطط إحصائي مثلاً

وهو بيكون مرطبض بعض الشيئ بالأكسل

صورة

 

عند اختيار الشكل التخطيطي المناسب

سيفتح معنا الاكسل لوضع البيانات

 

صورة

 

شكل المخطط بعد إضافته

 
 

صورة

 

ننتقل للأداه التاليه

 

صورة

 

بص ياحج ارتباط تشعيبي يعني ايه

يعني إضافة رابط لملف موجود علي الجهاز او رابط صفحة انترنت

زي كائنك بتضيف رابط في الموضوع او الرد

نفس الوضع في الورد

 

إشاره مرجعيه

دي ياسيدي اداه بتحفظ مكان معين في الملف الي انت فاتحه

بحيث تقدر ترجعلها في اي وقت تحب ما تهش بين الكلام

يعني مثلاً فيه كتاب بتقراه علي الورد او بحث عامله في الورد

وفيه كلمه حابب تعملها تعديل او تضيف ليها شرح ومشغول بالكتابه

بتضيف اشاره مرجعيه لموقع الكلمه دي بحيث لما تنتهي من القرايه او الكتابه

بتقدر ترجعلها في اي وقت وبينقلك فوراً لمكانها

 

طيب ايه اسناد ترافقي دي

بص ياحج ده بقوم بالاشاره لعناصر زي ايه

العناوين او الصفحات او الصور والرسومات ... إلخ

يعني زي اشاره مرجعيه بس ده بيكون تلقائي من نفسه

 

انا عارف اني طولت

بس معليش اعذروني عشان الفايده تكون كامله

نروح للأدوات الي بعد كده

 

صورة

 

دول ياسيدي ادوات الخاصه برئس وتذييل الصفحه

يعني عايز تضيف عنوان لكل الصفحات من أعلي او من أو من اسفل

بدل ما تكتب في كل صفحه ان بتقوم يإضافة التذييل او الرئس وبيتم ادراجها في كل صفحه بتكتب فيها

او حسب ما تحدد من الخيارات الخاصه بالتذييل الرئيسي اول الأسفل

 

والأخيره هي ادراج رقم للصفحه

يعني بيتم إدراج ارقام الصفحات تلقائي

 

ننتقل للأدوات الي بعد كده

ننتقل فين انت مش لسه قايل الأخيره

لا ياحج الأخيره دي في ادوات الرأسو التذييل ياحج

انت زهقت والا ايه هانت ما تقلقش

 

طيب خلص بسرعه عشان صدعت منك

 

صورة

 

يص ياعم الحج علي السريع عشان ما تزهقش

دي ادوات ادراج نصيه

يعني ادراج نص ثالثي الابعاد مثلاً

او ادراج سطر توقيع

او ادراج التاريخ والوقت

 

ادراج كائن دي ياسيدي زي المرفقات كده في المنتدي

يعني ارفاق ملف ضمن الكتابه

 

الي بعده عشان شكلك صدعت بجد

 

صورة

 

ادوات الرموز

بص ياسيدي

اداة المعادله دي تخص بتوع الهندسه او الكيمياء او الرياضه او الفيزياء

يعني كل من يشمل تخصصه في المعادلات هيحتاج الأداه دي

وهي ادراج معادلات حسابيه او هندسيه او كميائيه ضمن الملف

وادي ياسيدي صوره من المعادلات المدرجه مع حزمة الوفيس

 

صورة

 

واذا لم تجد المعادله المطلوبه

اضغط علي إدراج معادلة جديده

هيتم إنشاء جزء خاص بعمل المعادلات

 

وأخيراً ياسيدي في قائمة ادراج اداة ادراج الرموز

 

صورة

 

بتظهر بالشكل ده مع إمكانية الضغط علي المزيد

 

صورة

 

لتقوم بإدراج المزيد من الرموز

ستجد الكثير من الرموز الغير مدرجه في الكيبورد

واخيراً انتهي درس اليوم

اسف علي الإطاله

أشوفكم في دروس اخري

دروسنا حصريه عند النقل رجاء ذكر المصدر

إلي اللقاء في شرح باقي القوائم

تحياتي للجميع

شارك هذه المشاركه


رابط المشاركه
شار ك علي موقع اخر

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

♥ تسجيل دخول ♥

هل تمتلك حساب بالفعل ؟ سجل دخولك من هنا.

♥ سجل دخولك الان ♥


  • محتوي مشابه

    • Mostafa Ahmed
      بواسطه Mostafa Ahmed
      بسم الله الرحمن الرحيم
      والصلاة والسلام علي أشرف خلق الله اجمعين
      سيدنا محمد وعلي آله وصحبه أجمعين وبعد .

      ازي الحال ياجماعه
      طبعاً انتم شايفين العنوان بتاع الموضوع
      هيقولي واحد امال داخل ليه يعني اتملي في جمالك
      هرد عليه واقوله ياسيدي صبرك عليه ايه الداخله الناشفه دي
      الحياه اخد وعطا ياصحبي اضحك كده  خلي الشرح يبقى بسيط وسهل

      سيبكم بقى من الكلام الجانبي وخلنا نركز في صلب الموضوع شوية << حلوه صلب الموضوع دي متعوب عليها
      المهم ياجماعه استكمالاً لسلسلة شروحات برامج الأوفيس معانا اليوم شرح جديد
      والشرح الي معانا يخص برنامج Microsoft Powerpoint
      والشرح معمول علي الاصدار بتاع 2016 وفي الاغلب الاصدارات من بعد 2007 متشابها في الادوات
      المهم ايه هو برنامج Microsoft Powerpoint
      هو أحد البرامج الموفرة ضمن حزمة أوفيس وهو مخصص للعروض التقديمية،
      حيث يوفر البرنامج مجموعة من الأدوات لإنتاج ملفات إلكترونية تحتوي على شرائح افتراضية عليها كتابات
      وصور تستخدم على جهاز عرض سينمائي (بروجيكتور)
      مرتبط بحاسوب من قبل شخص (المقدم) في حضور مجموعة من الأشخاص (المجتمعين)
      وهو كثير الاستخدام في الشركات والمراكز التعليمية التي تتوفر بها المعدات اللازمة.
      يستخدم في العروض المتحركة والغير متحركة،
      ويستخدم أيضا في اللوحات المتغيرة المتتالية.
      ويمكن من خلاله عدد لا نهائي من الشرائح،
      ويمكن أيضا إدراج الصور المتحركة والثابتة،
      ويمكن أيضا إدراج المقاطع أو الروابط،
      ويمكن من خلاله أيضا استخدام الروابط التشعبية.
       
      بسم الله الرحمن الرحيم ايه كل ده انت مالك ياعم قلبتها رسمي كده ليه
      هيسألنى واحد ويقول براحه عليه ياعم هو انا هعرف اعمل كل الي بتقوله ده بالبرنامج
      انا لسه ببدأ اتعلمه مستحيل اوصل للمرحه انى اعمل الشغل ده كله
      أقولك ياحج هتعمل الشغل ده وهتخرج ابداعات بس ركز معايها في الاساسيات الي هنقولها
       
      بس بقي ياحج احنا هنشرح الادوات علي الواجه العربية
      عشان تكون مشاى معايه وحده وحده وبراحه
      دي واجهة البرنامج اثناء الفتح

      شكل الموضوع هيبقي سهل يامسهل يارب خلينا مع الراجل ده للأخر
      بص ياحج ده وجهة البرنامج بعد الفتح

      يانهار اسود ايه ياعم الدخله دي شكلنا مش هنعمر كتير مع بعض
      يعم اصبر علي رزقك بس كل الي هتعمله في الفتة دي هتدوس على "عرض تقديمي فارغ "
      بس كده اه بس كده كمل معايه
      هيفتح معاك بالشكل ده

      ياعم الحج دا كل مره بتجيب صور تخض ياعم
      ياسيدي ما تستعجلش هتعرف كل حاجه في وقتها
      احنا دلوقتى ياسيدي هنشرحلك المقدمات
      أولا الي فوق دي الوجهة الرئيسية
      فيها ايه الوجه الرئيسية دي
      فيها صفحات قائمة الادوات
      وهنشرح كل صفحة من صفحات الادوات دي في مواضيع متسلسلة
      عندك الصفحة الرئيسية والادوات الي فيها كلها هنشرحها اداة اداة الي بالشكل الي تحت ده
      عندك قائمة إدراج هنشرح برضو الادوات كلها

      بعد قائمة إدراج هنلاقي قائمة تصميم

      هقولك بيتعمل فيها ايه في الدرس الخاص بيها
      والي جمبها قائمة الانتقالات

      دي ممكن نعم شرح مجمع بين قائمة تصميم والانتقالات عشان نربطهم ببعض
      وجمبهم قائمة حركات برضو ينفع ندمجها في نفس الموضوع الي هنشرحه عن قائمة تصميم والنتقالات

      يبقي احنا كده عندنا ثلاث قوائم ممكن نعملبيهم درس مجمع
      الي هما ايه لحقت تنس قائمة "تصميم - انتقالات - حركات "
      نكمل باقي القوائم عشان مش نتوه

      القائمه دي ياجماعه خاصه بطرقة عرض المشروع وهنشرحها ونطبق امثله عملي باذن الله
      بعد كده قائمة مراجع

      واخيراً قائمة عرض

      ثانياً في الواجهة الرائيسية نعم هو لسه فيه ثانيا
      ايوه فيه ثانياً وثالثاً كمان في الوجهة الرايسية 
      فيه ياسيدي صفحة المشروع الي هنشتغل عليه

      وشرائح العرض الخاصة بالمشروع

      وده كله هتعرفه وحده وحده
      انا مش عايز اخش ف التقيل عشان محدش يزهق بسرعه
      دي مقدمة بسيطه عن سلسلة الدروس الي هنشرها في الايام القادمة
      تابعوني وان شاء الله نستفاد كلنا وما نحتجش لكورسات عشان نتعلم حجات بسيطه
      وصدقونى مع الشرح هتلاقي فعلاً الموضوع بسيط والبرنامج لزيز
      وكلنا هنستفيد من بعض
      ولو احد عنده اي ملاحظلات ياريت ما يبخلش علينا بيها
      انتظرونا في كل جديد
      وشعارنا دائماً في المنتىدى
      في القلب "انت مكانك"

      دمتم بود

    • Mostafa Ahmed
      بواسطه Mostafa Ahmed
      وصف الفيلم
      نافث اللهب هو فيلم تلفزيوني 2010 مصنوع بواسطة تحريك حاسوبي،
      مستند لسلسلة قصص مصورة هزلية الذي يحمل نفس الاسم،
      والذي عرض لأول مرة في 24 نوفمبر 2010 على كرتون نتورك.
      والفيلم من إخراج بيتر شونغ ومن سيناريو كريج جيمس
    • Mr-Java
      بواسطه Mr-Java
      السلام عليكم ورحمة الله وبركاته
      اليوم أقدم لكم شرح مهم لكل مبتدئ
      في برنامج بلندر للرسوم ثلاثية الأبعاد
      هذه أغلب الأساسيات التي سنستعملها
      في التصميم في شروحاتنا القادمة إن شاء الله
      أرجو تستفيدوا من الشرح
       
    • Mostafa Ahmed
      بواسطه Mostafa Ahmed
      بسم الله الرحمن الرحيم
      اليوم ان شاء الله معنا شرح لكيفة انشاء موضوع بطريقه سريعه بدون الحاجه لدخول الاقسام
      الشرح مصور لعيونكم

      قم بالضغط علي قائمة انشاء
      قم اختار منها موضوع كما بالصوره التاليه

      حدد المنتدي المراد انشاء الموضوع فيه


      اضغط متابعه

      ثم قم بكتابة موضوعك كما تريد

      انتهاء الشرح
      دمتم بود
       

في القلب ♥

في قلب كل منا خواطر - مشاعر - أحاسيس - آمال و الآم قد يعلمها كل الناس وقد تنطوي بين صفحات حياتنا لا يقرأها إلا كاتبها فلنعبر كل الحواجز ولنفتح قلوبنا ونعبر عما يجول في أعماقنا كاسرين بذالك كل الحواجز متحدين الواقع بعالم من الخيال نحن من يصنعه ويرتب أحداثه فلنمسك سويا أقلامنا لنكتب بها ما في أعماقنا.

روابط في القلب ♥

روابط قد تهمك في القلب

في القلب ♥

في القلب ساحة للحوار والنقاش بلا أية قيود شارك معنا وافتح لقلبك الآفاق لتعبر بكل صدق وحرية عما في قلبك لاتتردد وكن واحدا من أسرة أعضاء في القلب وأطلق لقلمك العنان ليعبر عما في داخلك بحرية وصدق بلا قيد واترك لخيالك العنان ليسبح في عالم خيالي أنت من تصنعه وتدير أركانه ساهم وكن واحدا من القلوب التي تعبر وبصدق عن كل مايدور بداخلها

Felqalb

In the heart of all of us there is thoughts, feelings, hopes and pain To penetrate all barriers and express what is in our hearts....

×